UNO LA MASIKINI 13

UNO LA MASIKINI 13 🔞

🆎©️™️

Siku ya jumapili asubuhi na mapema Waziri Regnald Mwasoka alikuwa ameketi nyumbani kwake. Mkewe alikuwa anaenda kanisani lakini lizee siku hiyo halikuwa na mzuka wa kwenda kusali kabisa

Baada ya mke kuondoka mzee alichukua simu yake na kumuandikia sms Tina “lile ombi la kunizalia mtoto mbona haukujibu” alituma

Tina naye alikuwa ndiyo amemalizia siku yake ya mwisho katika siku zake za mwezi aliinuka na kuifata simu kwenye chaji akaifungua sms “Sawa mpenzi nimekubali” aliandika sms kama hiyo alisema kwamba yupo tayari kumzalia mtoto mmoja

Vivyo hivyo Tino alikuwa amelala kwa Dickson, bado Dickson alikuwa hafahamu kwamba yule jamaa hana kazi na alimdharau sana kwa sababu alikuwa anaishi kwake.  Sms iliingia kwenye simu yake

“Ujiandae saa kumi na mbili jioni ndipo Mido anaingia nchini hakikisha unaenda kushuhudia suala zima la madawa ukimkuta emebeba madawa tafadhali umkamate na nitakupa zawadi nono, halafu suala la kumpeleleza Tina naomba uliache kuanzia leo” alisema waziri

Kumbe Tino alipokutana na Tina nia yake ilikuwa ni kumpeleleza haijulikani kwa nini lakini Tino yeye alikuja kuzama katika mapenzi mazito na binti

“Sawa mkuu” alijibu Tino na kufuta ile message kisha akainuka akatoka nje mara akamkuta Dickson akiwa Anaongea na Jane

“Mambow Tino” binti alimsalimia Tino

“Safi, vipi?” alisema mtaalam huku akimuangalia, ile sura haikuwa ngeni kwake

“safi nimekutembeleeni asubuhi asubuhi yaani kumbe hata chai hampiki” alisema binti

“hahahahaaa, samahani unajua sijakupata ila sura yako sio ngeni”

“Jane rafiki yake na Tina bwana uliyetukuta kule ufukweni ukamuua na yule nyoka hukumbuki?” alisema binti

“ahaaaaaa okay okay okay, I now remember you” alijikuta amechanganya kimombo wakati anakumbuka kuna siku Tina alimuambia kwamba Tino hajui kiingereza “Ina maana wewe sa hivi ni shemeji yangu pande zote yaani kwa Tina na pia kwa Dickson” alisema Tino

“Hahahaaaaa, ndiiiiyo” binti aliitikia ikabidi Dick naye acheke

“Mlikutanaje kwa mfano mbona mi sielewi elewi hii kitu” alisema mtaalam

“acha tu, story ndefu shem lake ila wewe ndio chanzo cha sisi kukutana, ok isiwe kesi bwana vipi Tina sijamuona kitambo mimi nilihama kule”

“yuko powa sana binti yule though ni kama siku tano sijamuona ila tunachati”alisema mtaalam

“ok powa mwaya”

“haina noma ngoja mimi niondoke nikuachie nyumba mama mwenye nyumba, ila usimpe huyu jamaa sawa” alitania wote wakacheka

“jamani hhaahaa simpiiiii” alisema binti

Tino aliondoka na kwenda zake mtaani kuzunguka zunguka leo alikuwa hana mishe ya kufanya mpaka jioni alitakiwa akamkamate Mido uwanja wa Ndege wa Nyerere

Hata hivyo Tina naye leo alitoka nyumbani, alienda mpaka maeneo ya V&B Pub kuna mtu alikuwa anaenda kuonana naye

Ejapo ilikuwa asubuhi sana lakini Tina alikuwa anawahi sana

“Nimeshafika hapa Makumbusho” Aliandika sms baada ya kufika makumbusho

“Njoo mpaka maeneo haya ya ofisi zetu za Tigo” alisema mtu aliyekuwa anaenda kuonana naye na hakuwa mwingine alikuwa ni yule kijana aliye renew laini yake siku ile akamwambia achukue namba

“kwa mguu?” binti alihoji maana yeye kwa namna alivyokuwa anang’aa kwa kweli isingewezekana atembee kwa mguu

“panda pikipiki mwambie akulete hapa bar kwa Mzee Minja basi” alisema mtaalamu huku akiwa na hamasa sana ya kumuona mtoto wa kike

“Pouwah” binti alijibu na kusogea kidogo pembeni mwa stendi akapanda bajaj mpaka maeneo hayo ya V&B Pub ambayo ilikuwa maarufu sana kwa jina la Bar ya Kwa mzee Minja

“Karibu” alisema yule kijana baada ya kumuona binti akiwa ameng’aa

“asante Jeff, mbona pako wazi sana hapa” alisema binti

“mmmmh pako wazi sana kwani tuhame?” aliuliza Jeff 

“ndiyo au kama kuna sehemu kidogo ya kuingia ndani tuingie mimi sipendi kukaa maeneo kama haya jamani kila mtu akuone barabara yenyewe ndo hii hapa” alisema binti “tena magari ya Mlima wa moto nayaona pale wakati ndo kanisa langu nalosali” alisema kwa hasira

“dada jamani ingieni hapa ndani hamna mtu atawaona” aliongea muhudumu wa bar ile

“hapo sawa” alisema Tina na kuingia mule ndani kulikuwa na sehemu nzuri ya kukaa,

Basi na Jeff alimfuata wakaketi pamoja na kuagiza vinywaji

“Christina unakunywa nini” aliuliza yule jamaa

“Naomba Juice yoyote ya passion” alisema binti

“haunywi bia?” aliuliza

“nope situmii kilevi chochote” alisema binti

“sawa,  wewe dada” Jeff alimuita muhudumu “mletee huyu dada Juice ya passion”

“sawa kaka J” alisema yule muhudumu maana alimjua Jeff kwa mda mrefu alikuwa ni mteja wake

“Ulisema unakaa Mbezi ee” Aliuliza mtaalamu

“Yes, wewe unakaa wapi?” aliuliza binti

“nakaa huko Victoria” alisema Jeff

“ok powa, sasa leo jumapili mbona umekuja huku?” aliuliza

“iyaa, nimekuja tu kuzurura baada ya wewe kuniambia utakuja tuonane” alisema binti

Kule kaunta kuna vijana wawili walikuja na kuagiza Castle Lite mbili mbili halafu wakaelekea mpaka ndani ambapo binti ndipo alikuwa ameketi akinywa Juice

“Haaaaah Tina” walianza kumshobokea Tina akashtuka sana “Mambo” alisema mmoja kati ya wale vijana

“Powa vipi” aliongea binti huku akiwa anamshangaa bila kumtambua yule kijana na amelijuaje jina lake.

“safi tu upo huku” aliuliza

“nipo lakini samahani mimi sikukumbuki ujue” alisema binti huku akiwa anatabasamu kidogo

“mimi naitwaTonny” alisema yule jamaa

“Toniiiiiii, Toniiiiiii, mh ili jina sio geni kwenye masikio yangu”

“ahaa ni rafiki yake Tino, kuna siku nilimpa lift ya kwenda Boko mkiwa pale Mbezi shule”

“ahaaaaa nimekumbuka sawa kabisa” binti alisema kwa mshtuko na kwa uoga akijua lazima taarifa zake za kuwa bar na mwanaume mwingine zitamfikia Tino

“hahaahha, haya ngoja sisi tunywe” alisema Tonny na kumnyooshea kidole cha kumuonya binti kuhusiana na usaliti anaoelekea kuufanya kwa mshikaji wao au pia kwa waziri

Tonny alipoondoka wao waliendelea na story kama kawaida

“Kumbe huku unajulikana eti” alisema mtaalam

“hamna huyu ni wa kule kwetu mbezi ndiyo maana amenijua sio wa huku” binti alijitetea kwa uongo maana Tonny sio wa mbezi

“haya bwana, lakini Tina unaonaje leo tukawa wote mpaka kesho” alisema Jeff

“weee, na mke wako umuachie nani?” aliuliza binti

“mimi sina mke ndiyo natafuta mke sasa” Jeff aliongea

“mmmmmh sijui bana”

Mara dakika mbili sio yingi ikaingia sms ya Tino, ikabidi Tina aifungue kwa siri “Uko wapi Tina?” aliuliza Tino kitendo kilichofanya moyo wa Tina upige Paaaah kwa uoga

Alijua tayari taarifa imeshamfikia Tino kwamba yupo na mwanaume mwingine, akihofia yule kijana aliyemshobokea pale ndani ambaye ni Tonny

Binti moyo ulijaa barafu akaganda dakika nzima akifikiria amjibu nini Tino, sms nyingine ikazama “Uko wapi mbona haujibu Tina” Tino aliandika tena………ITAENDELEA