𝗝𝗜𝗡𝗔 𝗟𝗔 𝗥𝗜𝗪𝗔𝗬𝗔: 𝗕𝗔𝗥𝗨𝗧𝗜 (𝗪𝗔𝗞𝗜𝗟𝗜 𝗠𝗪𝗘𝗠𝗔)
𝗠𝗧𝗨𝗡𝗭𝗜: 𝗝𝗨𝗦𝗧𝗜𝗡 𝗕𝗔𝗥𝗨𝗧𝗜
𝗠𝗪𝗔𝗞𝗔: 2024/2025
𝗪𝗛𝗔𝗧𝗦𝗔𝗣𝗣: 0752474397
𝗦𝗘𝗛𝗘𝗠𝗨 𝗬𝗔 𝗣𝗜𝗟𝗜
𝗜𝗟𝗜𝗣𝗢𝗜𝗦𝗛𝗜𝗔
Akiwa njiani anaenda dukani gafla likatokea kundi la watu wakamvamia na kumpiga kwa hasira
Baruti hakuwa na ujasiri wa kupiga kelele aombe msaada, alikaa kimya mithili ya ndege inayopaa angani lakini hajui mwisho wake inaenda wapi
Kiuhalisia katika maisha yetu baadhi ya watu wenye ulemavu wa kusikia ni wapole sana kitabia na wepesi kuomba msamaha japo sio wote, ingawa Baruti hakujua amepigwa kwa kosa gani
Wale watu waliomvamia wakakimbia, wakamuacha Baruti pale chini, maskini roho ilimuuma sana hadi machozi yakamtoka, hakuwa na namna yoyote ilibidi tu aamke aendelee na safari yake asije akafukuzwa kazi, bosi wake ni mkali sana
Wakati anainuka, alidondoka chini baada ya kusikia maumivu mguu wa kushoto, nguvu zikamuishia akabaki amekaa chini analia kama mtoto mdogo
Huko nyumbani sasa hali ikazidi kuwa mbaya baada ya Baba Jennifer kuona mfanyakazi wake anachelewa kurudi nyumbani, akajisemea moyoni "Haiwezekani huyu mtu akae kwangu, akirudi namtimua sijali matatizo yake aende atafute kazi nyingine hata kusikia hasikii, sitaki kumuona kwangu"
Baba Jennifer amefanya kosa kubwa sana ambalo atakuja kujutia katika maisha yake, hajui kesho ya mtu itakuwa wapi, ndugu msomaji na mfuatiliaji wa riwaya hii, katika maisha 𝘂𝘀𝗶𝗮𝗰𝗵𝗲 𝗺𝗯𝗮𝗰𝗵𝗮𝗼 𝗸𝘄𝗮 𝗺𝘀𝗮𝗮𝗹𝗮 𝘂𝗽𝗶𝘁𝗮𝗼, majaribu ya maisha huwezi kuyakimbia, ni kuyakabili kwa wakati wake, heri 𝗺𝘄𝗶𝘀𝗵𝗼 wa jambo kuliko 𝗺𝘄𝗮𝗻𝘇𝗼 wake
Maskini Baruti anaenda kufukuzwa kazi, lakini baadae atajitoa mbele ya jamii kudhihirisha 𝗸𝘂𝘄𝗮 𝗻𝗮 𝘂𝗹𝗲𝗺𝗮𝘃𝘂 𝘀𝗶𝗼 𝗸𝘂𝘀𝗵𝗶𝗻𝗱𝘄𝗮, 𝗯𝗮𝗹𝗶 𝗻𝗶 𝗷𝘂𝗵𝘂𝗱𝗶 𝗻𝗮 𝘂𝘄𝗲𝘇𝗼 𝗮𝗹𝗶𝗼 𝗻𝗮𝗼 𝗺𝘁𝘂 𝗻𝗱𝗮𝗻𝗶 𝘆𝗮𝗸𝗲; Baruti anajitoa muhanga kwa niaba ya wengine katika jamiii
Wakati Baba Jennifer anaongea maneno hayo hakujua kama kuna mtu karibu yake amesikia maneno aliyoyatamka, kumbe Jennifer ambaye kitaaluma ni mwanasheria aliyasikia maneno ya baba yake, wasiwasi unamuingia anaanza kumtafuta Baruti huku na huko lakini hamuoni kabisa
Baruti akiwa amekaa chini anaugulia maumivu kama amechomwa sindano ya umeme au msumari wa moto huku analia kwa uchungu gafla alitokea binti mmoja mrembo sana akipita pale, moyo wa huruma na ubinadamu ukamuingia, akamsogelea huyu kijana na kumuita zaidi ya mara tatu lakini hakuitika
Maskini binti wa watu hakujua, akamshika begani Baruti Kama ishara ya kumuita, wakati anamuita gafla moyo wa Baruti ukashtuka paaaah! hakuamini alichokiona mbele ya macho yake....
𝗝𝗘 𝗛𝗨𝗬𝗨 𝗕𝗜𝗡𝗧𝗜 𝗔𝗧𝗔𝗞𝗨𝗪𝗔 𝗡𝗜 𝗡𝗔𝗡𝗜, 𝗕𝗔𝗥𝗨𝗧𝗜 𝗔𝗠𝗘𝗢𝗡𝗔 𝗡𝗜𝗡𝗜 𝗡𝗔 𝗝𝗘 𝗡𝗜𝗡𝗜 𝗞𝗜𝗧𝗔𝗧𝗢𝗞𝗘𝗔 𝗞𝗪𝗔 𝗕𝗔𝗥𝗨𝗧𝗜 𝗡𝗔 𝗝𝗘𝗡𝗡𝗜𝗙𝗘𝗥
𝗨𝗦𝗜𝗞𝗢𝗦𝗘 𝗦𝗘𝗛𝗘𝗠𝗨 𝗬𝗔 𝗧𝗔𝗧𝗨
@𝗝𝘂𝘀𝘁𝗶𝗻_𝗕𝗮𝗿𝘂𝘁𝗶
Tags
riwaya